今年係中國共產黨建黨嘅100周年，全國各地都有唔少慶祝活動，而喺大銀幕之上亦都有唔少相關嘅影視作品將會播出，其中一部焦點就係《1921》，而呢部電影亦都會喺7月8日嚟到香港上映。

提起1921呢個數字，相信史友們都會知道係中國共產黨成立嘅日子，咁到底呢部電影會講啲咩呢？據報導成部電影就係描述返喺100年前有13位嚟自五湖四海嘅青年齊聚喺上海，進行第一次中國共產黨全國代表大會，除咗係見證共產黨嘅成立，更重要嘅係正式開啟中國革命嘅新篇章。

值得留意嘅係，呢部電影專登搵嚟13位年輕嘅演員傳遞先輩們敢想敢為、勇於為理想奮鬥，就好似有TFBOYS成員王俊凱、男演員劉昊然等年輕偶像，通過演繹傳奇人物，佢哋都表示對百年前為咗救亡圖存前赴後繼嘅先輩有更深刻理解，認真有意義！

原圖嚟自網絡